نه‌ورۆز به‌ سه‌ری هه‌مووتان؛ گڕ ڕڕ...

ساڵی پێشوو زۆر خۆش بوو وو... 

             

به‌ پیشنیاری دۆستێکی رۆژنامه‌وان(!!) ده‌بوایه‌ وه‌ڵامی ئه‌و پرسیاره‌م بدایه‌ته‌وه‌ که‌؛ " ساڵی پێشوو چۆن تێپه‌ڕی و خۆشترین و ناخۆشترین رووداو بیره‌وه‌ریه‌کان، کامانه‌ بوون؟

منیش سه‌رم به‌ وه‌رگێرانه‌وه‌قاڵ بوو بۆ ژیان ن ن.. و ئه‌مڕۆ نا به‌یانیم به‌ خۆم ده‌کرد... ئه‌نجام هاتمه‌ سه‌ر ئه‌و باوه‌ڕه‌ی؛ به‌ کورتی هه‌رچی هات به‌ قۆبچه‌ی له‌بتابه‌که‌مدا رایکێشم و بینێرم... ئه‌مه‌ یه‌که‌م پیته‌کانه‌ که‌ به‌ره‌به‌ره‌ ده‌گیرسێن و فه‌رموون پێشکه‌شه‌:

 ساڵی پێشوو زۆر خۆش بوو وو و خۆشترین بیره‌وه‌ریه‌کانم ده‌گه‌ڕێته‌وه‌ بۆ فه‌یسبووکێنێ  ی شه‌وانه‌ و... ئه‌و هه‌موو شێعر و وتار و وێنه‌ی ره‌نگی و ره‌ش و سپیانه‌ که‌ به‌چوارده‌ورا له‌خۆمم بڵاوکرده‌وه‌ و 700 ،800و له‌مدواییانه‌دا زێده‌تریشم پێ خسته‌ تۆڕی ده‌سه‌ڵاتی زمانی – نیشانه‌یی خۆمه‌وه‌ و زۆر پیاسه‌ و تاسه‌ی دیکه‌ش که‌ بۆ گۆڤاره‌که‌تان نابێ ێ ێ...

ادامه نوشته

هه‌ڵه‌بجه‌

هه‌زار دیوانی كه‌ڵه‌گه‌ت له‌‌ پرسه‌دا

 

له‌و سه‌ره‌مه‌رگه‌ ره‌شه‌دا،

شیعری چی!؟

ملوێنی وشه‌ی سه‌ر له‌  خوم و

ده‌سرازه‌شین

ئه‌بنه‌ دڵۆپیچك له‌ ئاوی كانیاوه‌كه‌م

بۆ سه‌ر زاری سووتاوی كۆڵان و

قورگی گوڵ و

هاواری چاوه‌رِوانی شار....!؟

په‌خشانیش

بیت و بكرایته‌ باهۆزێك

هه‌ناسه‌ی مه‌رگی راده‌یه‌ت...

ره‌نگه‌

ئه‌نا،

كام لقه‌ سووتاوی میژووم

به‌ دوو چه‌پڵه‌ و

سێ«بژی» و

كورته‌ شێعرێك...

سه‌ر له‌ نوێ هاتۆته‌ سه‌ما!؟

... 

ادامه نوشته

 

بۆ شارزاد، له‌ گێڕانه‌وه‌دا به‌رده‌وامه‌؟

ئا. ئێس. بایت      و: ساڵح سووزه‌نی‌

راستی باش‌ترین حیکایه‌تێ كه‌ تا ئێستا گوتراوه‌ كامه‌یه‌؟

ره‌نگه‌ حیکایه‌تی ئه‌و دوو برا بێ كه‌ هه‌ر دووكیان پاشا بوون و كاتێ زانیان ژنه‌كانیان پێیان به‌ وه‌فا نه‌بوونه‌، تۆڵه‌یه‌كی خوێناویان لێ‌ده‌كه‌نه‌وه‌ و ئینجا به‌ ده‌وری دنیادا سه‌ری خۆیان هه‌ڵده‌گرن، به‌ڵكوو بتوانن كه‌سێك له‌ خۆیان به‌دبه‌خت‌تر ببیننه‌وه‌، له‌و سه‌فه‌ره‌دا ئه‌وان دێوێك ده‌بینن كه‌ ژنه‌كه‌ی خۆی له‌ قه‌فه‌سێكی  شووشه‌یی‌دا حه‌بس كردووه‌ و درگاكه‌ی به‌ چوار قوفڵ به‌ستبوو. جارێكیان كاتێ دێوه‌كه‌ نووستبوو ژن له‌ قه‌فه‌سه‌كه‌ی دێته‌ده‌رێ و هه‌شت ئه‌نگوستیله‌یان پێ نیشان ئه‌دا كه‌ له‌ دوای تێكه‌ڵ بوونی له‌گه‌ڵ كه‌سانی دی گیری كه‌وتبوو و سووره‌ له‌سه‌ر  ئه‌وه‌ی له‌گه‌ڵ ئه‌وانیش تێكه‌ڵ بێ بۆ وه‌ی بتوانێ به‌ره‌به‌ره‌ ژماره‌ی ئه‌نگوستیله‌كانی بكاته‌ سه‌دی ته‌واو

ادامه نوشته